Kolonat e parafabrikuara janë elemente monolite vertikale, të cilat kanë avantazhin e një prodhimi të shpejtë, pasi ofrojnë fleksibilitet në dizajn dhe në kosto. Prerja e tyre mund të jetë drejtkëndore ose katrore, në varësi të ngarkesës që ushtrohet.

Realizohen me beton të armuar të markës RCK-55 N/mm² dhe çelik B450C N/mm². Në gjatësinë e llogaritur përfshihet edhe pjesa që futet brenda gotës së plintit, e parashikuar deri në 30 cm nga dyshemeja e përfunduar në rastet normale, ose e llogaritur në varësi të thellësisë së plintit. Kolonat kanë në brendësi të tyre tubat e shkarkimit të ujërave të tarracës, të cilët zbresin deri në kuotën -20 cm.